Auto Expo nung Honda-i model tasen 11 sayatsü

Mumbai, Tsüklai 3 (Agencies): India nung two-wheeler yangluba company tulutem rongnung tanabuba jenjang nung aliba Honda Motorcycle & Scooter (HMSI) puri taruba Auto Expo nung gari aser bike sayatsü atema ternemshiba tulu lir. Auto Expo Sentong nung Honda company-i model tasen 11 den electric mobility platform nungi Concept scooter ka aser racing bike ka sayatsü.
Honda-i Auto Expo nung parnok indang tetsüng ana adenba gari sayaa aruba rongnung taküm modle 11 sayaa timba sayatsü ta Küptoknü (Saturday) Company-i ashi. Greater Noida nung 14buba Auto Expo sentong Tsüklai (February) 7 nungi tenzüka 14 tashi akatsü.
Taküm Financial Year (FY) tashi nung, parnoki model tasen asem sayaogo; Cliq aser Grazia scooter aser iba den Africa Twin motorcycle ka. “HMSI-i tang tetsüng ana adenba gari tasen sayatsü aliba rongnung India nung yangluba trok aser international fun bike pezü densema lir,” ta HMSI-i metetdaktsü. PCX Electric Scooter concept koba Tokyo Motor Show 2017 nung mezüngbuba saya liasü, iba kasa scooter ya Auto Expo nunga sayatsü.
Maneni sentong nungsa, 2017 MotoGp racing nung takok anguba bike, Honda RCV 213V sayatsü. Alima nung two-wheelers rongnung timba yoktetba scooter ji Honda Activa lir aser company puri iba sentong nung Activa scooter modle ajak sayatsü asoshi renema lir.