‘Baahubali’ sayaba mezüng anogo nung sen crore 70 aazük

Mumbai, July 12 (Agencies) : Film yanglur S.S. Rajamouli indang tesüsaba film “Baahubali: The Beginning” ajanga box office nung otsü aika ajatetogo.
Iba film ya Rs.250 crore shi endoka yanglu ta angazüker aser sayaba anogo nung sen crore 60 nungi crore 70 shi aazükogo.
“Iba film sayaba anogo nung sen crore 60 nungi crore 70 shi aazükogo. Iba ya India nunger film atema sen timtiba aazükba lir. Bollywood film tulu ‘Happy New Year’ aser ‘Dhoom: 3’ nunger ajatetogo” ta trade analyst, Trinath-i metetdaktsü.
Film sayar anogo tanabuba tashi nung Rs.100 crore club nung züngemtsüsa sen aazükogo akok” ta paisa shisem.
Baahubali film sayaba mezüng anogo nung India nung sen crore 50 aazük aser sen crore 16 ji bendanglen nung aazük.
“Baahubali” ajanga “Happy New Year” (Rs.42 crore), “Dhoom: 3” (Rs.32 crore), “Singam Returns” (Rs.31.8 crore), “Chennai Express” (Rs.31 crore), “Ek Tha Tiger” (Rs.30.3 crore), “Bang Bang” (Rs.28 crore), “Kick” (Rs.26 crore), “PK” (Rs.25 crore) aser “Agneepath” (Rs.22 crore) nungertem ajatetogo.
“Baahubali” film ya Telugu, Tamil, Malayalam aser Hindi oshitem nung saya aser Hindi shilem nung crore 5.15 aser Telugu nung sen crore 14.96 aazük, ta trade analyst, Taran Adarsh-ia metetdaktsü.
Alima tesem balala nung “Baahubali” ya screen 4,000 jungnüa nung saya.
Film nung Prabhas, Rana Daggubati, Tamannah Bhatia aser Anushka Shetty nungertemi shilem agir.