Bahadur-ba o Islam-ba na o tokteper

Islam : Hai temba….asen India lima nung Nashi metepsettsü, aser shirnoki Nashi tepsetdir, parnok-a Nashi tepsetba amaji tepsettsü ta-sa jembia angashir, ya kechi temzüng ozüng tesashi ka yanglur aka…???
Bahadur : Hauja temba… State aika nung Nashi metepsettsü… Nashi shi machitsü… aser shirnoki Nashi tepsetdir, parnok-a tepsettsü ozüng tesashi yanglur… kechiba süra Nashi-lai mamatzü agütsür aser la teküp agi shiküp oset aika yanglur…. aser la temezüng agi plastic oset aika yanglur…. anungji Nashi ya kümzüka ayutsü kanga tongtibang adi….
Islam : O.K. sürabangla Nashi dang masü Nabong ya-a metepsettsüla aser shiri Nabong tepsetdir, parnok-a Nabong tepsetba ama tepsettsüla…. kechiba süra Nabong-laia mamatzü agütsür…. la teküp agi shiküp oset tajung aika yangluteter nung koda….ano aji tang masü Batak aser An itemla ajunga ya metepsettsüla…. kechiba süra parnok-ia Entsü kotsür aser la tezüng agi osettsüset tajung aika yangluteter….
Samuel : Ena temba…… asen India lima ya kin tulu-tila, tanak-temesüng aika dang meyoktepa aliba lima asünungji kin ajunga liromedema litettsüsa kin kati tangar kin kar anema mienyaktsüla adi…

Lilir: L. Kika Pongener, Aoyimkum, Dimapur.