Batman villain movie asoshi Leonardo DiCaprio dak tenük yokdar

Los Angeles, September 2 (Agencies) : Entertainment company Warner Brothers-i tang tangoktsü aliba Joker origin movie nung Oscar angusang actor Leonardo DiCaprio nübu agitsü merangdar.
Iba studio yagi Batman otsü nung ya DiCaprio nem ‘The Joker’ shilm agidaktsünüa tenük yokdar, ta hollywoodreporter.com osang ajanga metetdaktsü.
Warner Brothers yagi Martin Scorsese dang “The Revenant” film nung tongti shilem agisang actor iba film asoshi jembizükjang ta mepishidar. Ajisüaka “Django Unchained” film nung shilem agisang dang pa nem iba film nung shilem agiba atema sen kwi agütsütsü ibajibo ano mashi, kechiba süra Scorsese den film project ya produce asütsü atema ano tembanga mejembi.
Scorsese aser DiCaprio na mapang shia külemi lokteper inyaker. Tena ya “The Aviator”, “Gangs of New York”, “The Departed”, “Shutter Island” aser “The Wolf of Wall Street” film tem nung külemi inyaka lir.
DC Extended Universe movie franchise nung Clown Prince of Crime shilem agisang, actor Jared Leto-ia iba olulu angashia mepelai lir. Todd Phillips aser Scott Silver na nem taa agüja DC criminal mastermind notorious atema face paint aser permanent smile atema script zülua liasü.
Tenüng magütsüi aliba Joker aser Harley Quinn project ya agi Harley Quinn indang kija mapa Gotham City sirens atema lenmang satema lapoktsütsü.
Margot Robbie-i tesülen kou tila ka alener anti-hero shilem agiba aser la ‘The Joker’ den meimtepba otsüji 2016 hit “Suicide Squad” nung terabo sayua lir.