Bengaluru nung EPL club tajungtemi shilem agitsü

New Delhi, September 22 (Agencies): October 14 aser 15, 2017 anogotem Premier League Live Bengaluru nung Arsenal, Liverpool, Chelsea aser Manchester City ama EPL temaba jenjang nung aliba club temi shilem agitsü metetdaktsüogo.
Premier League Live Bengaluru alidang EPL club temi pei-pei stall tem lapoktsü.
Tanga EPL club temji Brighton & Hove Albion FC, Everton FC, Liverpool FC aser Watford FC tem lir.
Premier League angur Alan Shearer den taoba Manchester City asayartem- Paul Dickov aser Shay Given nungertemi iba sentong nung parnok sapurtem den ajurutepa sendaksemtsü.
Iba asoshi tesapurtemi Premier League club zone tem semdangtsü aser idak nungjagi club aser asayartem indang osang tejangja metettsü akok.
Bengaluru fan park nung TV presenter tem- Manish Bhasin o Seema Jaswal nati live match screenings len anitsü.
Anogo ananü sentong nung EPL sapurtemi Premier League experience aser asaya ajangshitsü.