Benjungmong mapang anema alitsü tasa kar

Benjung mapang ya kinünger aser medemertem den pelatepba, chiyongtsü talubosa achiba aser kanga dang mazüngi akümba mapang ka lir. Iba mapang asen temang anema alitsüji kanga dang tongtipang. Benjung mapang temang anema alitsü tasa kar yangi lemsateper:
1. Kidang kecha meinyaki anogo tepiyong oda azümesena mesüidaktsütsüla. Chiyongkiyonger külen kibong ajunga mapang tatsüka agia yimdong nung jaja senzüba ajanga asen tepok nung chiyongtsü tajungba menüngsatsü aser asen temang tepongbaba akümtsü.
2. Benjung mapang chiyongtsü tali achiba ajanga asen temang reta akümba den aseni bilemba ama animesüngzüktetter. Nisung kati benjung mapang ken chiyongdang calories 3,000 shi chisemba osang research agirtemi bushiteta lir. Iba ajanga nisung ka temang yiradaktsür aser temang tali yiraba ajanga tepok nung chiyongtsü junga memenüngsaba den temulungjang tashidaka aiben bener arutsür. Chiyongtsü ken nung tali achiba dang nungibo chiyongtsü ishishi mapang balala nung achiba tajungba lir.
3. Benjung mapang yimra aser iba amala timtem balala majurutsüsa aseni senzüsenpongdang kümdakshiba ajanga asen anisüngzüka pelateptettsü. Chiyongtsü kümdanga achiba, mapang shitak nung mejangba aser tali anibelem masüba ajanga asen temangi mesen balala madak takok ngua raratettsü.

(Source – Internet)

You must be logged in to post a comment Login