Bethlehemi

Aser ya adok. Kodang tenyartemji pamok nungi pilaa kotaki atu, sannükeri jembitepa ashi, kechi Kibubai asenok dang metetdaktsü aser kechi adok, tang asenoki Bethlehem tonga aji reprangi odi.” Luk 2:15.
Iba tila Bethlehem yimti nungji tesüngmangtsü, Tsüngremer mapa tulu ka atalok. Ayatrem mapang, arem tsünü asaba mapang, tesülen ka nung Kümtetdakba aso. Asütsu makokba Tsüngrem kati, tasü aremtsü aru. Aji Bethlehem nung atalok.
“O yimti tila Bethlehem koda süngjema lir,
Mejanga lir yimti tila petinutem kübok;
Saka Ne yimtongtem nung teti sangwa ayar;
Teimla aser süngmangtsü, taonung ne dak angur. ”
Mejanga aliba yimti tila Bethlehem nung Yisu asoba ajanga par yimtongtem nung teti sangwa yaa, teimla liasu. Yisu dak amanger kija/kibong shia iba temoatsü bushitetta lidi. Khristmas amonger ajak asoshi Yisuji Kümtetdakba masü mesüra Pa tenüng amer aliba Khristantem ajak asoshi Paji Kümtetdakba masü. Shibai pei taküm, tanela, temulungjang ajak agi Pa agizüka, Pa dak amanga, Pa nem bendanga agütsüa lidir, pamok asoshi Yisuji kümtetdakba lir.
Sarasadem : Kibuba Tsüngrem, Nai onok nem Bethlehem nung alangzükba tashi agutsü nung Nü dang pelar. Amen