BJP-i Assam elections atema Pradhan & Madhav na shim

New Delhi, July 5 (Agencies) : Assam nung BJP tashi itshitsü atema aser election nung takok tajung angutsü nükjidong nung BJP tir Amit Shah-i Assam nung election in-charge nübo tasen ana shimogo.

June 2016 nung Assam elections agitsü aser iba asoshi BJP tiri Union Minister Dharmendra Pradhan aser general secretary Ram Madhav na election in-charge shim.

Shah-isa Parliamentary Board Secretary atema Union Minister J P Nadda shim aser Rajya Sabha MP Avinash Rai Khanna organisational elections atema national election in-charge shim.

BJP tiri Ram Madhav nem Jammu & Kashmir sorkar den külemi inyaktsü atema shim. J&K nung BJP-i PDP den yaritepa sorkar abener.

BJP nung tawa tasen shimba general secretary Arun Singh nem headquarters in-charge mapa nungloktsü aser rongsenren dak sendakba ken o atema otongdar inyaktsü Gopal Agrawal shim.

Amit Shah-isa party office-bearers nem mapa tasen kar lemzüktsüogo aser Bihar o Uttar Pradesh nung co-incharge tasenten shim.

Iba dak sendakba nung BJP-i Bihar aser Uttar Pradesh nung other backward classes (OBCs) atema cell tasen tenzüktsüogo.