BJP-i Gujarat election atema candidate 70 tenüng sangdong

Ahmedabad, November 17 (Agencies): Hokolbarnü Bharatiya Janata Party (BJP)-i Gujarat assembly election nung tokteptsüpur candidate tenüng 70 sangdongogo, aser tanüngba menden atema taruba anogotem nung sangdongtsü.
Gujarat election atema tanü mezüngbubaren sangdongba candidates 70 rongnung tang teinyakdak Chief Minister, Vijay Rupani densema lir, aser pai Rajkot West constituency nungi tokteptsü, Deputy Chief Minister, Nitinbhai Patel-i Mehsana menden nungi aser Gujarat BJP Tir, Jitubhai Vaghani-i Bhavnagar West menden nungi tokteptsü, ta party osang ka ajanga metetdaktsü.
BJP-isa Congress party nung melung masür MLA 14 nungi parnok trok nem party ticket agütsüogo.
Tanü sangdongba candidates rongnung tang teinyakdak MLA timbakati peipei constituency nungi tokteptsü.
Tanü mezüng sangdongba tenüng tarensen nung Patidar Anamat Andolan Samiti (PAAS) züngsem, Varun Patel aser Reshma Patel nabo densema mali.
Ano BJP MLA ana- Vadhwan constituency nungi Varshaben Doshi aser Dhari constituency nungi BJP MLA, Nalin Kotadia nabo meshim. Ajisüaka Dhanjibhai Patel-i Vadhwan nungi aser Dileep Sanghani-i Dhari menden nungi tokteptsü.
BJP tongti lenirtem senden ka mena candidate tem shima liasü, aser iba senden nungji Ato kilonser, Narendra Modi, Union Home Minister, Rajnath Singh, Foreign Minister, Sushma Swaraj aser BJP Central Election Committee nungi züngsemtem liasü.
Gujarat nung December 9 nü menden 89 atema election agitsü aser tanüngba menden 93 atema December 14 nü election agitsü, aser election osangjibo December 18 nü Himachal Pradesh election osang den külemi sangdongtsü.