BJPMM Nagaland state senden agi

Dimapur, August 19 (TYO) : August 19, 2015 nü Bharatiya Janata Party Mahila Morcha Nagaland State Unit Office Bearers senden ka agi, ta tongti tezülur Asangla Jamir-i sangdong ka nung metetdaktsü.
Iba senden ya State Office Aiko Building, Bank Colony Dimapur nung agi aser senden nung BJP State President, Dr. M Chuba Ao aser BJP Organising Secy. Nagaland & Arunachal Pradesh Prashant Arora naprongla aden.
August 22, 2015 nü State BJP Unit nungi Mahila Morcha-i Pradhan Mantri Jivan Suraksha Bhima Yojna atema sentong balaka ayongzüka agitsü aser iba sentong ya anepdang 9:00 ako nungi Chumukedima Bazar Area nung agitsü, ta tongti tezüluri sangdong nung shia lir.
Iba mapatong ajanga Rs. 200000/- (two lakhs) accidental insurance agütsütsü anungji Mahila nungertem ajaki iba maongka agitsü mepishir, ta laisa ashi.
State Mahila Unit aser District Mahila President atema Scheme PMJJBY/PMJSBY ji Prashant Arora, Dist. Gen. Secy. of BJMM aser State Unit nungi Mahila Morcha 20 indang Scheme PMJJBY/PMJSBY ji Dr. M Chuba Ao aser Dimapur District nung Mahila Mandal Presidents atema Scheme PMJJBY/PMJSBY ji . T A Ngullie nungertem teyari agütsütsü, ta BJMM tongti tezülur Asangla-isa metetdaktsü.