Blue Whale Challenge asayar kaketshir ka puogo

Agartala, September 08 (Agencies): Tripura Institute for Paramedical Sciences (TIPS) nung first year kaketshir ka ‘Blue Whale Challenge’ game asayaa lia puogo.
Iba osang bener den jembidang, Police Headquarters nung police kati tanep ashiba agi, Niloy Saha (21) ya North Tripura district Kumarghat tesem nungi lir aser pa pur kinunger tem nem agütsüogo. Pa college hostel nungia mindokogo.
“Tripura nung ‘Blue Whale Challenge’ game asayar apuba tang ya mezüngbuba lir,” ta police ketdangser kati ashi.
“Osang agitepba mapang, TIPS nung Boys Hostel Superintendent, Sanjib Chakraborty-i ashiba agi, Niloy Saha ya institute nung Lab Technician program nung Bachelor kaketshir ka liasü.
Pai blue whale noksa ka pa teka nung oset techira ka agi ranga yanglu aser pai par medemertem dang iba ya sayua liasü, shironki idangjisa hostel super nem metetdaktsü.
College ketdangsertemi ashiba agi, iba amala kasa tatalokba matalokdaktsütsü asoshi parnoki tanga kaketshirtem dak a tenük yoka meita reprangdar.
Iba asaya nung asayartem-i mapa 50 tashi inyaktsü asoshi nüngdaker aser iba nung teka arangtsüba, nisung kar tepsettsüba aser tatem nung suseta süa iba asaya akoktsüba densema lir.
Iba asaya ya arishi küm 17 tain Russia tsür kati puratet. Iba game ya online store tem nungibo indokogo saka iba kasa asaya pirated copy tem mobile phone shops aser game parlor tem nung yokdar.