Bob Dylan-i mejemba ‘Hard Rain’ kenzülu auction asütsü

 

London, August 26 (Agencies): Bob Dylan-i mejema atenba longkak aitba ken, ‘A Hard Rain’s A-Gonna Fall’ kenzülu taruba September ita London nung auction asütsütsü renemogo.

London nung tentetba Sotheby’s auction house-i ketdang süa sen timba agütsür dang ayoktsü renemba kenzülu ya pound sen 200,000 shi yong yoktettsü teimla yua lir.

Dylan-i pa teka aser typewriter amshia züluba kenzülu ya 1962 küm December ita record asü aser taruba küm, 1963 nung ‘The Freewheelin’Bob Dylan’ kensep nung densemdaktsür mezüngsüa alima dang sayaba osang jangjaogo.

Dylan-i 1965 küm mejema pa teka agi züluba ‘Like a Rolling Stone’ kenzülua New York yimti nung tentetba Sotheby’s-i sen million 2 yong 2014 küm yokdoka rock ken indang kenzülu sen timba yong ayokba otsü yangluteta liasü.

You must be logged in to post a comment Login