Bodhbar nü nisung dak akahba dak sentakba nung nisung ka puogo

Dimapur, August 20 (TYO): Bodhbar nü GS Road, Dimapur nung shishilembar tsümar ka dak injang kahloktsüba tatalokba dak sentakba nung Brihostibar anepdang security sepaitemi Dimapur, Thahekhu village nung nisung ka puogo.
Osang ajanga ashiba agi, tang pua alisangji NSCN (R) nungi arishi küm 40 Lt col. Kuqhaho Yeskha Sema lir ta jangjaogo aser pa ket nungi prangpong tila ka ngutetogo.
August 19 anüngdang GS Road nung mejangjaba nisung kari shishilembar ka pa dokan nung lia pa dak injang kahlokja liasü.