Bradley-i UCI hour otsü tasen yangluogo

London, June08 (Agencies):Britain nunger Bradley Wiggins-i International Cycling Union (UCI) hour otsü ajangteta otsü tasen ka London kübok Lee Valley VeloPark nung yashi Deobar nü yangluogo.Wiggins-i yashi ghonda ka nung cycle kilometer 54.526 tonga aniba sülen külem sensopur, Alex Dowsett-i taoba May ita Manchester nung yangluba ghonda ka nung kilometer 52.937 tongtetba otsü ajangteta liasü.
Arishi küm 35 tain Wigginsi taoba mapang nung Olympics gold medal 4 tashi agizükba den külemi, cycle anishitsü tetoktepba rong nung tongtiba, Tour de France takok maroka 2012 küm agizükba osang bushiteta lir.
Ano külen, sangküm 2016 küm agitsü ayongba Rio Olympics nung shilem agiba sülenbo cycling tetoktepba toktsütsü sentong aliba olen ka Wiggins-ia metetdaktsüogo.