Britain sandwich yangluba tesem nungi nisung 32 apu

London, August 10 (Agencies): Hombar nü Britain sandwich yanglur tulutiba factory nungi Immigration police-i nisung 32 puer ogo, ta media ajanga metetdaktsü.

Bromley-by-Bow, east London nung aliba Greencore sandwich yangluba tesem nung mapa inyakertem mapai arutsü tenzükba mapang ka nung police temi bushisüngdang ka agia liasü, ta Mirror online osang ajanga metetdaktsü.

Iba bushisüngdang mapang tanga linük nungi arua jenoka alir nisung ta tamang makai bilemba nisung 32 tashi pua liasü aser nisung 10 bo ozüng alema mapa tamajung inyakba ken o nung apu.

Aji oda süaka parnok 10 rongnungi ka bo bail nung chiokogo aser par tukojibo mechioki lir.

Iba den külemi nisung 22 tashi tanga linük nungi jenoka aliba ken o nung, immigration ketdangsertem den tang tejembidak lir aser parnok ya Britain nungi meindoktsü akok.

Iba sandwich yangluba company ajanga hopta ka nung sandwich million asem tashi yanglur. Parnok sandwich ya Worksop & Bromley-by-Bow aser supermarket nung Asda, Sainsbury aser Marks & Spencer tesemtem nung yanglur.

Tan factory nung inyaker nisungtem police-i pua alirtem ya tejangja nisung mesüra company dang nungi nisüng shi sen pound 20,000 (US sen 31,000) senchi meshitsü.