BSNL Happy Offer nung data shilem 50 agi timba agütsür

Aenjeti 12, 2018 (Agencies): Sorkar meyong BSNL ajanga Reliance Jio indang offer tasenba den tokteptsü mechi prepaid mobile plan teshimtet kar indang validity shilem 43 agi talangba kümtsü, aser data shilem 50 agi timba kümtsü.
“Bharat Sanchar Nigam Limited (BSNL) ajanga prepaid mobile customer tem atema BSNL ‘Happy Offer’ ka sayaogo – prepaid mobile customer tem atema validity shilem 43 agi tali aser data shilem 50 agi tali den unlimited local, STD aser roaming calls,” ta company ajanga sangdong ka nung metetdaktsü.
Iba scheme tasenba kübok sen 485 jenjang pre-paid plan nung anogoshia data 1.5GB agütsütsü aser iba plan validity anogo 90 alitsü, aser sen 666 jenjang nung anogoshia data 1.5GB aser validity anogo 129 den unlimited local, STD aser roaming call alitsü.
BSNL customer tem sen 186 indang plan voucher aser sen 187 special tariff voucher subscribe asürtem anogo 28 asoshi anogoshia data 1GB angutsü. Iba mesük sen 349 aser sen 429 plan amshirtem nem anogo 54 aser 81 atema anogoshia data 1GB agütsütsü. Plan ajak nung anogoshia SMS 100 yoktettsü. Reliance Jio ajanga anogo eshika tejaklen tariff tem nung sen 50 agi ajemtsü, koba nung anogoshia data 1GB ngua aliba 1.5GB kümtsü aser iba plan ya Aenjeti 9 nungi tenzüka amshiteter.