BSNL Sangro

– I. Zülu Pongen, Mongsenbai Ward, Mkg.

Oh, BSNL India senso,
Na ozü Naga limai arudangbo
Ochishir India senso ka ama aru,
Naga nüburtem ajak pelatep,
Ya kechiba temoatsü ta?

Pa atoksarbo shinga melili na?
Tangar shinga marudang na tama aru,
Ozü limai technological bener
Naga nunger ajak ne den longjem
Kechiaser nai onok den ajemalua aru.

Tila-tulu ajaki mulung lemteta
ochishir kaji na liasü, ni amala
tilar ka danga nai tembar ta aja,
kibong nung tang masü
saka nisungshia den temba yimtet.

Tanübo tembar aika aru alir
Na ama – Airtel, Aircel, Idea, Vodafone;
Medemer aika arubayong na khuret
Pungpaa akümer asü? Mesüra tezü atanger?
Na shisabulubaji shidangangjong.

Naga limai na tama arunungji
Na Naga senso aküm asü?
Nai Naga yimten inyakyim angubayong
Naa Naga nunger jakla benshiner asü?
Onok sasa mazüokteterji nabo yamaji tesüma.

Joko tangbo ne mapa shitak malir,
Ne internet/network kechi aküm?
Nüburtem süngmangseter, na kechi aküm ta!
Süngzü maiba yimdong Zü ka ama na lir
Aitai! BSNL Mokokchung.

You must be logged in to post a comment Login