Burma Camp nung tetsür ka angu

Dimapur, Aenjeti 13 (TYO): Arishi küm 9 tetsür chanu, Alovi Burma Camp kiyong nung nemzüa lia angu, aser yaküm September 10, 2017 anogo nungi CHILDLINE Dimapur-i la anepalua reprangdar, ta CHILDLINE Dimapur nungi Aligha V Yeptho-i sangdong ka ajanga metetdaktsü.
Tanutsüla jagi ashiba agi, laji Naga nunger kibong ka nung liasü, ajisüaka lai Burma Camp nung alila, tetsü bushia aotsü atema iba kiji toktsü.
La Burma camp atongba sülen lai lar kiyongji kanga melenshir aliba reprangtet, aser la tetsü aliba para kiji-a bendoker liasü; anungji lai tetsü kong aliar asüngdanga senzü, ajisüaka shingaia la meyaritet.
Child Welfare Committee (CWC) Dimapur tetuyuba nung tang tanutsülaji Shelter Home ka nung lir, anungji kari danga tanutsüla’er tsürabur mesüra kinünger meteta lira item number ajanga tongteprateptsü mepishir, ta kasa sangdong ajanga mepishia metetdaktsü.
*CHILDLINE Toll free number 1098 (accessible through all mobile network) 03862-224151/ 8731889309; CWC Dimapur: 9436260005/ 9402832493.