Camera ana aketba Vivo X20 aser X20 Plus smartphone sayaogo

Beijing, September 22 (Agencies): Tanü China nung Vivo X20 aser X20 Plus smartphone sayaogo. Tang tasenba Vivo smartphone nung dual camera lens setup aser 18:9 aspect ratio display keta lir.
Vivo X20 Plus ya Vivo X20 dang tera tuluba lir aser screen tasazük aser battery tashi dak alaka iba phone anaprong nung features ajak kasa dang lir. Iba smartphone ana jenjang ya sen 30,000 aser 34,500 lir aser September 25 nungi tenzüka pre-order sütettsü. Vivo smartphone ana ya September 30 nungi tenzüka ayoktsü, ta company ajanga ashir.
Vivo indang smartphone tasenba ana ya full HD+ Super AMOLED display den Vivo X20 indang display tasazük inch 6.01 aser X20 Plus display tasazük inch 6.43 lir aser phone anaprong indang screen resolution ya 1080×2160 pixel alitsü.
Phone anaprong nung Qualcomm Snapdragon 660 SoC aser RAM 4GB den internal storage 64GB lir aser iba ya 256GB tashi inoka amshitettsü. Iba phone ana indang operating system ya Android 7.1.1 Nougat OS den Vivo indang FunTouch UI keta lir. Vivo X20 touzük gram 159 aser tasazük 155.85x75x15x7.2mm lir. Vivo X20 Plus phone touzük gram 181.5 aser tasazük 165.32×80.09×7.45mm alitsü.
X20 aser X20 Plus smartphone tesülen dual camera setup aliba nung 12-megapixel primary sensor (f/1.8) aser 5-megapixel secondary sensor camera keta lir. Iba smartphone tejaklen aliba camera ya 12-megapixel lens den f/2.0 aperture keta lir.
Vivo X20 smartphone indang battery tashi ya 3245mAh aser X20 Plus indang battery tashi ya 3905 mAh alitsü.
Iba smartphone anaprong nung dual SIM, 4G, Wi-Fi, Bluetooth 5.0, USB 2.0, OTG aser GPS amshitettsü. Iba phone tesülen ya fingerprint sensor keta lir.
Vivo X20 aser X20 Plus smartphone ya Matte Black, Gold aser Rose Gold sentsü nung angutsü.