CANSSEA Mkg unit pur lokti senden kaogo

CANSSEA Mkg unit pur lokti senden kaogo

CANSSEA Mkg unit lokti senden nung Ao Senden tatong Tir, Chubawati-i jembiba mapang

Mokokchung, November 28 (TYO): Confederation of Nagaland State Services Employees Association (CANSSEA) Mokokchung Unit pur Mongolbarnü yangi Mokokchung town hall nung lokti senden menogo. Iba sentong nung CANSSEA Mokokchung unit kübok telen ajak nungi medema arua shilem agia aden.
Iba sentong nung Ao Senden tatong tir, Wb. Chubawati-i tajungshi o jembidang, department tulu-tila aser tulur-tilar ta kecha mali, CANSSEA nung züngsemtemji lenmang aser sempet balala nung jatetba nübutem lir, anungji nenok ajak ya kasa tongtibang lir, ta ashi.
Paisa CANSSEA züngsemtem dang longjemer Mokokchung ajungtsü aser tejakleni anitsü nükla yur pei mapa nung nendaka inyaktsü asoshi tayongzükba agütsü.
Taruba kümsük nungi item ketdangpur lenisüba kübok CANSSEA Mokokchung Unit anir aotsü teloki mulunga agizüka ayu.
1. President : Dr. Aoyimsen Jamir, VAS, AH & VS, Mokokchung
2. V/President : Menden tazüng
3. General Secretary : Tsükjempokba, GT, MGHSS, Mokokchung
4. Asst. Gen. Secretary : Talitemjen, J.E. (R&B), Mokokchung
5. Finance Secretary : Marnungsang, Cashier PHED E.E Office, Mokokchung
6. Asst. Finance Secretary : Bendangmongba, UDA, PWD (Housing) Office, Mokokchung
7. Asst. Finance Secretary : Tiajungla, LDA,  Asst Dir. Supply Office, Mokokchung
8. Treasurer : Lima Aier, HM, MGHSS

You must be logged in to post a comment Login