Catalan parliament Speaker Carme Forcadell chiokogo

Madrid, November 11 (Agencies): Supreme Court obendanger kati ashiba nung ajemdaker Catalonia Parliament nung speaker bail nung chikogo.
Madrid nung aliba Alacalá Meco jail nung Carme Forcadell-i Pablo Llanera tsüngdang kuli agütsüba sülen pa aonung ka idakji mejang. Spain nung Prosecutor-i Carme ji mapa tatakzük melii tepuokdak ayutsüla ta mepishi saka Pablo-i Carme dang sen $175,000 senchi achiba sülen bail nung chioktsüla ta telemtetba agi.
Taruba mapang pai yimten dak sendakba mapa inyakba nung Spain linük temzüng nung aliba ama inyaktsü ta Carme-i nangzük.
Carme atema okatsür, Adreu van den Eynde-i la okadaki meiner aru aser la bail nung chioktsü indang senji agütsütsü ta ashi. Iba senji Assemblea Nacional Catalana indang senyuri agütsütsü, ta paisa shisem.
Carme Forcadell chioktsübaji Supreme Court-i sign asü aser iba osangji tepuokdak aliba ketdangsertem dangi yok.