Jan 9 tashi nomination file asütsü anogo atsülangtsür Mokokchung, January 9 (TYO): Jan 3 nungi tenzüka Jan 7 tashi Municipal aser town council nung election-i inürtem atema tenüng agütsüba mapang lapoktsüba maparen nung tenokdangba jenti liaka, Tuli nung candidate 14 aser Mangkolemba nung candidate 13-i nomination file süogo saka tang tashi nung Mokokchung Municipal Council […]
Kohima, January 7 (TYO): Nagaland nung February 1 nü urban local bodies indang elections atema tenüng agütsütsü tenzüker anogo tenetbuba nung candidate 236-i tenüng agütsüogo. Tenüng agütsürtem rongnung NPF nungi 47, BJP nungi 45 aser Independents 113 lir aser yashi tashi Congress-i tenüng magütsüi liasü saka tanü parnoki Councils 11 nung tenüng 31 agütsüogo. Tanü […]
Dimapur, Jan. 06 (TYO) : Brehostibar nü Phek district kübok Chozuba nung Town council election agitsü asoshi tenüng agüja aliba nomination paper-tem ADC office nungi nisung kari rakzüka bener aotsü merangba lendong atalokba mapang ADC office nung nisungtem agi ki oset aser ki kichiba kar raksatsüba sülen ADC-i Chozuba town nung nisung 144 CrPC ozüng […]
Kohima, Jan. 06 (TYO) : Nagaland nung Municipal aser town council election agitsüba dak aketba maparen nung lendong timtem ataloktsüa kecha meteta malinung, itemji nokdangtsü mechi Honibar anepdang 7:00 ako nungi nikongdang 3:30 ako tashi Angami nunger lushi kübok aliba Kohima, Medziphema aser Chumukedima nung nisung shinga mesenzüdaktsüi mokdangtsü ta Angami Youth Organization-i metetdaktsüogo. Honibar […]
Guwahati, January 6 (Agencies): Tawa Arunachal Pradesh(AP) nung yimden yimsüsübaren nung temelenshi adokba ajanga Manipur nung agitsü aliba election nung kongshitsü, ta BJP nem kokdaktsür aliba People’s Party of Arunachal (PPA) telok ajanga osang metetdaktsü. PPA telok nungi Chief Minister Pema Khandu densema MLA 33, BJP dangi December 31 nung meyipa aoba ajanga Arunachal Pradesh […]
Guwahati, Jan. 05 (Agencies): Nov. 1 nungi tenzüka tanü tashi United Naga Council (UNC)-i Manipur nung National Highway ana tashi nokdangba ajanga nüburtem timtemaka, taruba election sülen maneni Manipur nung Congress sorkar arutsü temolung lemteta lir, ta Congress sangdong ka nung ashi. Northeast state 8 nung aliba PCC Tir tem den Brehostibarnü Guwahati nung ajurua […]
Guwahati, January 05 (Agencies): Taoba ita Meghalaya nung küm 14 tain tetsür chanu ka dak tashiyim mapa inyakba ken o nung aija alisang Independent MLA, Julius Kitbok Dorphang nem Shillong nung court ka ajanga ‘non-bailable warrant’ agutsüba sülen pa atsükshia senzüdar. IPC Section aser POCSO Act nung ajemdaker pa aija lir. December 15 aonung Shillong […]
Dimapur, January 05 (TYO) : Dimapur Supermarket tesem nung aliba sensaker kaketshirtem nem kaketshisatsü agütsüba nung yariteptsü asoshi January 07, 2017 nikongdang (Honibar) ‘The Joy Of Giving’ charity concert ayonga akatsü aser iba sentong nung Naga nunger kentener aikati shilem agitsü renema lir. ‘The Joy Of Giving’ ya kanga tang nükla tajung aketba project ka […]
Kohima, Jan. 04 (TYO) : Tang Nagaland government-i state nung Municipal aser Town council election agitsü sentong metetdakja liaka, Kohima district nunga Angami Public Organisation aser Angami Youth Organisation nati magidaktsütsü lemtetba nung Angami Students’ Union (ASU)-ia nungiter ta metetdaktsüogo. Nübortemi memulungaka state government-i kechisüdir süaka election agitsü telemtetba agibaji tejashitsüka lir ta Angami kaketshirtemisa […]
Tir Yimyim nung inyakertem December 23, 2016 nungi January 01, 2017 tashi Christmas aser küm tasen sodi agir, anungji 24th December, 2016 nungi 2nd January, 2017 tashi Tir Yimyim mangutsü. Küm piyong yaritepa aser ajungshitepa aruba asoshi tazüngertem ajak dang pelar aser Christmas aser 2017 Küm tasen salem agütsür. – Yimozülur, Tir Yimyim.