CB trophy tanabuba anogo asaya osang

Dimapur, November 6 (Agencies): Jammu n kashmir aser Tripura na tsüngda Nagaland Cricket Stadium Dimapur nung tang tasayadak Chooch Behar under 19 ,Group D asaya anogo tanabuba nung Tripura nunger over 75.5 nung run 264 yanglur ajak out süogo. Tripura team tanü asaya wicket ana tugur run 130buba nung tenzük.
Tripura nunger asayar Riazuddin-i run 68 azük aser ,Chandan Ray-i run 29 azük. Asaya nung maneni Umar Majid-i run 46 agütsür wicket 3 agi aser Javid Ahmed-ia run 43 agütsür wicket 3 agi.
Tanabuba innings nung Jamu & Kashmir puri over 39 nung wicket 4 tugur run 110 yangluogo. Parnok rongnungi asayar Qamran Iqbal-i out mesüi run 76 yangluteta lir aser Vivrant-i run 15 yanglu. Chandan Ray-i run 28 agütsür wicket 3 agi.
Asüng maneni 8:45 nungi asaya tenzüktsü.