Center Cabinet-i DA sen 6% agi ajungkettsür

New Delhi, September 09 (Agencies): Center Cabinet-i sorkar mapa inyaker nem agütsüba Dearness Allowance (DA) sen 6% agi timba küma ajungkettsütsü onük tanü Bodbar nü agizükogo.
Taoba July ita 1 nü nungi tenzüka DA senji 119 % küma tan ajungkettsüba ajanga sorkar mapa inyaker nisung lakh 50 aser pension sen agir nisung lakh 56 shi ajangzüktsü.
Taküm January ita nungi tenzüka DA senji 6% agi timba küma 113% tonga India sorkari taküm April ita ajungketja liasü.
6 buba Pay Commission telatetba dak ajemdaker India ajunga nung sorkar mapa inyakertem nem küm nung anaben – January 1 nü nungi June 30 nü tashi aser July 1 nü nungi December 31 nü tashi iba DA sen ya kümshi ajungkettsür.
Ano külen, 7 buba Central Pay Commission den sentakba maparen ita 4 agi atsünglangshija taküm December ita 31 nü tashi inyaktsü temelaba Cabinet-isa taoba August ita agütsüba osang jangjaogo.