Centre-i NGO 1,222 dang bank accounts agütsütsü tuyur

New Delhi, September 13 (Agencies): Home Ministry-i linük nung NGO 1,222 dang bendanglen nungi senotsü teyari aruba indang bank accounts metetdakjang ta tetuyuba agütsüogo.
Bank account magütsüba NGO tem ozüng tapet agi merenshitsü, ta Home Ministry-isa metetdaktsü.
NGO 1,22 rongnung Sri Ramakrishna Math, Ramakrishna Mission, Indore Cancer Foundation Charitable Trust, Coimbatore Christian Charitable Trust, Delhi School Of Social Work Society, Hindu Anath Ashram aser Madani Darut Tarbiyat tem dena lir.
Anosa, NGO tem rongnung Rehmat E Alam Hospital Trust Anantanag, Rotary Club of Mumbai Midwest, JK Trust, Bombay, Goonj, Madina Education and Charitable Society, Nagaland Bible College, Indian Institute for Nature and Environment Study tem densema lir.
Foreign Contribution Regulation Act (FCRA) kübok züluoka aliba NGO tem ajaki bank account ka nungi dang foreign donations agizüktsüla, ta ministry-isa sangdong ka nung shiogo.
December 27, 2016 nü NGO 20,000 shi ka indang FCRA licences sorkari agientsü. Parnoki FCRA alema mapa inyakba putetba sülen sorkari item NGO tem foreign funds anguba nokdanga liasü.
FCRA nung shia aliba agi, NGO ka prior permission category kübok lira, Home Ministry nungi temelaba melii bendanglen nungi foreign funding angutsü makok.