CGM, BSNL office nung BSNL mapa inyakertemi lungkak aiter

Mongulbarnü CGM, BSNL office kima nung BSNL mapa inyakertemi lungkak aitba angur.
Mongulbarnü CGM, BSNL office kima nung BSNL mapa inyakertemi lungkak aitba angur.

Dimapur, July 7 (TYO) : Mongulbar nungi United Forum of BSNL Executives’ Association-i anogo asemnü lumia lungkak aittsü tenzükogo.
Bharat Sanchar Nigam Limited (BSNL) nung management trainees (MT) mashi aniokba aser HR onüktem atema parnoki linük ajungalen SSA/ Circle/ corporate office level nung lungkak aiter.
United Forum of BSNL Executives’ Association nung AIBSNLEA aser AIGETOA teloktem densema lir.
Tanü CGM office complex nung BSNL NE-II circle nung mapa inyaker lungkak aitertem den sensaksemdang parnoki ashiba agi, BSNL nung tangalen nungi management trainees aniokba mapa anentsü aser employees sasep nungi dang shimtsü asoshi takhangba agütsür.
Ozüng anema mapa nung nübo shimokba inyakyim manenra BSNL kübok employees aser ketdangsertem ajaki lungkak aittsü aser ibaji ajanga BSNL services nung tetsükdaktsü ajurutsü, ta parnokisa ashi.
Sorkari MT recruitment manenra aser HR onüktem asoshi telangzüba tajung magütsüra July 22, 2015 nungi BSNL mapa inyakertemi BSNL Corporate office, New Delhi kima nung tanen makai lungkak aittsü, ta BSNL NE-II circle nung mapa inyakertemisa ashi.

You must be logged in to post a comment Login