Chalukumba Jamir taküm agitsü merang

Dimapur, Tsüklai 16 (TYO): Taonung 6:00 ako meta New Market area, Mokokchung anasa mejangjatetba nisung kari Koridang 27 A/C nungi NPP candidate Chalukumba Jamir dak injang khaloktsü.
Pa Impur nungi atur par kidangi aodang lendongji ajuru aser iba tesempatsü mapa NPP-i khukhua aitsür ta IPR Team-i sangdong ka nung metetdaktsü.
Iba ya taochi maliba inyakyim ka dang masü saka election nung tensa raksatsütsü atema inyakba ka lir. Iba mesükba inyakyim ajanga state nung tensa mejungi kümdaktsütsü. NPP-i iba tatalokba süoki agir aser bangdakpur dang aibelenertem pua ozüng tapet agi merenshitsü mepishir, ta IPR Team-isa metetdaktsü.

You must be logged in to post a comment Login