Charilam constituency atema election Metsüremi 12 nü agitsü

Agartala, Tsükali 15 (Agencies): Tripura Charilam Assembly constituency atema election Metsüremi 12 nü agitsü, ta Election Commission sangdong ka ajanga yangtepnü metetdaktsüogo.
Charilam Assembly constituency (western Tripura Sepahijala district) koba tribals tem atema mekazüka tokja lir, iba constituency nung election Tsüklai 18 nü tanga tanungba Assembly constituencies 59 den külemi akatsüba liasü, ajisüaka CPI-M candidate asüba ajanga election atsülangtsüsa aküm.
Additional Chief Electoral Officer Debashish Modak-i ashiba agi, Bharatiya Janata Party aser Congress nungi densema candidate pezü shirnoki tamalen nomination file süa lir parnoki tanaben nomination file süshitsü nüngda madoker.
CPI-M nungi candidatet-i dang Tsüklai 22 tashi nung nomination papers agütsütsü nüngdaker, ta Modak-i ashi.
Charilam constituency nungi CPI-M puri Ramendra Narayan Debbarma shimtet, ajisüaka pa Gobinda Ballav Panth Medical College & Hospital nung Tsüklai 11 nü temulungjang mapa minyaki küma aoksa süadok.

You must be logged in to post a comment Login