Chelsea Football Club

England nung kümshi ayonga asayaba tongti football asayamong, English Premier League (EPL) nung shilem agiba Chelsea Football Club ya London kübok Fulham nung tentetba tongti telok ka lir. England nunger shishilembar, Gus Mears-i 1905 tentetba sülen Chelsea club-i England indang football sabang temaba nung shilem agia aruba osang bushiteta lir. Par telok indang home ground ken nung nisung 41,837 tashi mentetba Stamford Bridge stadiumlir. 1955 nung EPL takok marok mezüngsüa agizüktsü maongka ngutetba Chelsea teloki tanü tashi nung EPL takok marok ajak agi 5 tashi agizükba osang jangjaogo. EPL takok marok dak alaka, par teloki FA Cup 7, FA Community Shield 4, UEFA Champions League takok marok 1, UEFA Cup Winners’ Cup 2, UEFA Europa League takok marok 1 aser UEFA Super Cup 1 tashi agizüka lir. England nunger Pound sen million 898 jenjang aketba telok ya Russia nunger billionaire, Roman Abramovich-i July, 2003 küm alizük aser tanü tashi pa Chelsea telok kibur lir.

You must be logged in to post a comment Login