Chelsea teloki Barcelona Winger Pedro nübo alizüker

London, August 20 (Agencies): English Premier League (EPL) champions, Chelsea teloki Barcelona telok nungi Spanish international winger, Pedro Rodriguez nübo alizüktsü tezüngzüktep tembanga agiba osang ka tanü Brehostibar nü metetdaktsüogo.
“Pedro par telok nung züngsema asayadaktsütsü nükjidong nung Chelsea FC teloki ozü FC Barcelona telok nem euro sen million 30 agütsütsü tezüngzüktep zülutepa agiogo,” ta Barcelona teloki tanü metetdaktsü.
England nung tentetba Manchester United aser Manchester City telok natia Pedro nübo arishia liasü saka arishi küm 28 tain Pedro-i Chelsea telok ang shimeteta par telok tenüng nung shilem agitsü renemer lir.
Coach Jose Mourinho-i aniba Chelsea telok nung tesüsa anioksemba asayar, Pedro-i tanü tashi nung La Liga takok marok 5 aser Champions League takok marok 3 tashi agizüka lir.
“Ni Chelsea telok nung züngsemtsü maongka anguba atema kanga pelar aser Chlesea telok tenüng nung takok marok jenti agizüktsü temulungtetba lir,” ta Pedro-ia tanü metetdaktsüogo.