Chizami United, Fosters & St Joseph’s College pur QF-i iogo

23buba Classic Cup 

Kohima, November 11 (TYO): Tang tasayadak Classic Cup asayamung nung Football Club Chizami United, Fosters’ FC aser St Joseph’s College puri tanü pei tata asaya koka quarter final-i iogo. Iba asayamung ya Classic Club puri ayongzüka Kohima local ground nung asayadar.
Tanü asaya mezüngbuba nung FC Chizami United puri Kezekevi FC pur tie-breaker ajanga 4-3 agi kokogo. Asaya nung telok anapronglai minute 60 tashi nung goal ka danga magütsütet.
Asaya tanabuba nung Fosters FC aser Sporting Club na kanga sütepa asayar tie-breaker ajanga 5-4 agi Fosters FC puri kokogo. Asaya nung telok anaponglai goal kaka agütsü aser asaya tembangba sülen tie-breaker asaya liasü.
Telok ana tsüngda asaya nung asaya mezüngbuba shilem nung telok kati danga goal magütsütet, saka lemon break sülen Fosters FC puri mezüngbuba goal Kensington ajanga minute 45buba nung idaktsü. Ajisüaka Sporting Club puri minute ana tsüngda nung iba goal küptok. Tie- break asayaba nung telok napronglai trok ben ben metsü, koba Foster FC puri 5-4 agi akok.
Pre-quarter final asaya tatembangbuba nung St. Joseph’s College puri EIMI United pur 4-1 agi ayong ayonga kokogo. Asaya nung St. Joseph nungi asayar Menose-i mezüngbuba goal minute 14buba nung idaktsü aser iba sülen EIMI puria minute 26buba nung Janghao ajanga goal ka idakja asaya mezüngbuba shilem goal 1-1 nung tembang. Ajisüaka asata tanabuba shilembo St. Joseph puri amokbanger asaya. Asaya nung minute 45buba nung Pelevikho-i tanabuba goal idaktsü aser iba sülen tasembuba aser pezübuba goal Tamthing-i minute 57 aser 60 buba nung, ta goal ana idaktsü. Tamthing-i tanü goal ana idaktsüba ajanga pa iba asayamung nung goal timtiba agütsüsang kümogo. Pai tang tashi nung goal 7 agüja lir.
November 13 nü Qruarter final asaya yamai alitsü:
Barak FC vs Turaco FC
@ 2:00pm