Chris Froome-i 2 buba Tour de France takokba agizüker

Paris, July 27 (Agencies): Britain nunger cycle toktepa anishir, Chris Froome-i tangar ajak den temaba jenjang ngua Tour de France takok marok yashi Deobar nü agizükogo.
Team Sky telok tenüng nung toktepa cycle anishisang, Froome-i küm 3 tsüngda nung Tour de France takok marok tan agi tanabenbuba atema agizüker lir.
Külem telokpur, Bradley Wiggins-i 2012 küm takok marok agizükba densema par Team Sky teloki küm 4 tsüngda nung tan agi Tour de France takok marok 3 buba agizüker lir.
Arishi küm 30 tain Froome-i Colombia nunger Nairo Quintana den minute 1 agi tekaraba mapang nung alizüng tonga overall shilem nung temaba jenjang nguteta yashi takok marokji agizük.
Froome aser Quintana na sülen anidaka, Slovakia nunger Alejandro Valverde-i tasembuba jenjang ngua liasü.

You must be logged in to post a comment Login