Chubatem madak chuba Yohan 18:28-38

Asen Kibuba kechi koma tesüngmangtsü chuba ka, pa miima aliba tematiba ta aru, saka tiyazü tembar kati ashioktsü! Aji saka pa yamaji ashioktsüaka Pa tamaren chuba akhüm jibo jungkai adoka dang lir. Kodang ni Pilate yimya aser yim yimya reprang, shiba menden nung amen pa ni jangjajangja angu. Pilate sentsüwangshi rematok, saka kü Kibur ain aser sentsüwangshi nung mena lir. Pilate tashi yakta tematok, saka kü Kibur sentsüwangshi meremi teti ali. Pilate obendangdaka, Yisu chuba lir.
Saka pa chuba yimli iba chuba yimli ama masü. Anungji iba chuba tanga chuba ama masü. Pai pa menden rara ajanga mebushir, saka tsüngpret ajanga bushir, mesüzükba agi masü ajungshiba ajanga angu. Pa kilirtem noklangnok den maoer, saka milen den nisungtem aritoka masü saka parnok anir. Tenük agi anguba pa chuba menden kangki ka lir, aser Pa takoktemji bendanga agütsüba ain nung lir.
Anungji pa raraba sobutsüji ochiba lir aser ochiba kisüng. Kodang ochibai takok ngua agidir, takokji among tema teti asoshi alir. Nok agi akokba naro zükji anjung makümdang rematoker. Chuba jamir ka asübaji pa yimya den lemsatepa lir. “Ochi tsütsü alir ajaki Pai kü dang angar.”

You must be logged in to post a comment Login