Chuchuyimpang Amoklushi nung ‘Fishing Fiesta’ alitsü

Mokokchung, July 7 (TYO): July 10 nungi tenzüka August 10, 2015 tashiji Chuchuyimpang nung aliba Amoklushi awatsüng nung angoh mesüba benjong ‘Fishing Fiesta’ alitsü ta tayongertemi osang ka ajanga metetdaktsüogo.
July 10 nüji shibai angoh tulutiba pudir sen 15,000/- (fifteen thousand) aser tanabuba tuluba nem sen 8,000/- (eight thousand) senpettem agütsütsü ta tayongerisa metetdaktsü. Angoh mesüba mapangji anepdang 5:00 nungi nikongdang 6:00 ako tashi alitsü, nisung shia rangdong (angling rod) anana dang melatsü aser entry fee-ji senpak 600/- agitsü ta parnokisa metetdaktsü.
Tanga anogotem nunga shibai angoh tulutiba mesütetdir tayongeri ‘surprise gift’ renemtsütsü. Yangji angling rod aser süngo tatsük talem den chiyungtsü tapu balala angutsü ta parnokisa shisem.
Amoklushi awatsüng ya Ao lima nung awatsüng rongnung tulutiba asütsü aser Ao lima awatsüng nung angoh tulutiba apubaji ibai lir. Iba awatsüng nung angoh pua arubaji küm 60 (6 decade) shi asütsü ta osang ajanga angazüker.