Chumukedima nung Miya nunger telok kati Naga nunger kibong ka dak azük

Dimapur, September 21 (TYO): September 21, 2017 aonung Chumu 2nd gate nung Miya nunger parnok nisung 5-6 kati Naga Angami nunger kibong ka dak azük, aser tebuti dakji dang masü saka par jabaso (arishi küm 4-5 shi) dak-a azük, ta osang angazüker.
Miya nungertemji tesem ka nung adenshir ganja chia anguba agi tambusang jagi parnok merenshiba sülen pa par kibong den auto ka nung ao; minute ka-ana tsüngda miya nungertem jagi par medemertem ayongsemer parnok arishia arur auto telung nungji süngsü agi par kibong dak azük, ta osang angashir.
Senzüsemponger kari anguba agiashi parnokji tepseter lila; tebu den jabaso naji kanga mejungi yirua lir; par jabasoji tebang-mechi chimaa yirua lir.
Ajisüaka pa kinüngtsü den tanur kabo kümzük.
Mapang tatsüka tsüngda Muslim miya nungertemji ajen, ajisüaka nisung kabo pua lanurtem ket nung lir, aser asüngdangyaba ajanga tangartemjia jangjaogo, aser tang parnok tebushidak lir, ta kasa osang ajanga ashi.

You must be logged in to post a comment Login