Cincinnati Masters: Mirza o Hingis na quarterfinal-i iogo

Cincinnati, August 20 (Agencies): India’er tetsür tennis asayar mongin, Sania Mirza aser la den külemi asayala, Switzerland tsür Martina Hingis nati takok ngua tang tasayadak Cincinnati Masters asayamong tetsür doubles shilem indang quarterfinal asayatsü jenjang yashi Bodbar nü nguogo.
Tan asayamong nung temaba jenjang nung alir, Mirza o Hingis nati yashi ghonda 1 ser minute 22 nung points 7-6(3), 6-4 ngua Germany tsür Julia Goerges aser Poland tsür Klaudia Jans-Ignacik na 2 buba round asaya nung tsükdaktsü.
Mirza o Hingis nati par 1 buba round nung bye ngua 2 buba round nung shilem agitsü jenjang ngua liasü.
Serbia nunger Novak Djokovic aser Switzerland nunger Stan Wawrinka natia yashi takok ngua asayaba sülen tebur singles shilem indang 3 buba round asayatsü jenjang anguba osang jangjaogo.
Tang temaba jenjang nung alisang, Djokovic-i points 7-5 6-2 ngua France nunger Benoit Paire 2 buba round asaya nung tsükdaktsü.
Djokovic-i tan asayamong nung 13 buba jenjang abensang, Belgium nunger David Goffin den 3 buba round nung ajuruteptsü.
Wawrinka-ia yashi points 3-6 7-6 (3) 6-3 ngua Croatia nunger Borna Coric 2 buba round nung tsükdaktsüba sülen Croatia nungersa, Ivo Karlovic den 3 buba round asayatsü lemzükogo.