Clean Election atema ex-minister ana Alokbar telok den sensak asemer

Ex-Minister ana election-i aitsü asameyang saka tena rongnung ka dang election-i aitsü lemtet. Tenadi Alokbar telok dang ibaji ashi aser parnokia pa yaritsü Hai ta nangzük.

Alokbar telokji MLA ministertem dang ajizüka Assam nung meeting agi. Par telok nem candidate-bai sen telong junga agütsü aser parnok senji lemsar senshi.

Parnok rongnung kar gari ali aser kar sentsüh ao. Yimdakbo election atema kecha mapa meinyak mesüra mejembi.

Candidate      :    Nenoka ni agütsüba sen to agi kechi inyak?

Alokbar telok      :      Clean election atema jembirji onoki shinga nema sen magütsü. Election nung sen tamshi ta ABAM aser NBCC-i ashiba agi onoki sen khenyongi mamshi.

Candidate      :    Süra sen to kong indok?

Alokbar telok      :      Nai onok nem agütsüji onok lema agiogo. Vote alitsü atema nai onok dang kecha mashia.

Candidate       :    Süra election mapangji koma asütsü?

Alokbar telok      :      Sen lira yiang melira joko teyi. Onokibo kechiang mashira.

Candidate       :    Aya! Ni ya koma asütsü! Oh! Alokbar telok.

Lilir : email.

You must be logged in to post a comment Login