Clean Election ! Clean Election !

  ~ Mrs. R.Mapukala  Pongen, Chuchuyimlang (Merangmen).

Tsüngmok amoker ama, anüng aser alia anokshia
CLEAN ELECTION !!! Kinük ajaklen metangoktsü
Ya shiri shisatet! Shiba ajanga! Ibaibo chichiba Tsüngrem nisung
Pelatep! Joktena! Matateter! Yakta ajurunüali! Yongyaseter.
Naga nungerbo ochishir kin, kechi nangzük, kodanga masetshir.
Otsüla, oboula nunger nungi yamaji lia aru.

Ali meimchir ajaki yongya küm 2018 Febuary ita,
Kodangang CLEAN ELECTION ji ajurutsüar na! ilongseta
Shirang yipden nungi tipu lima benzürtem-ia,
CLEAN ELECTION-ji ajurudanger-ang sünüali ta,
Yongyasetaka matatet-i akümlir aika leper-i iogo.
Tanü parnok mesü-i lilasang, tetamatsü, tarokoktsü putua ta shila süngü.

OH! Kodaker shisa anetdak Mongchen IMPUR,
Aor shisa toktendak na ABAM!
Iba yimti nübortembo Kodak tsünglular-a takang pilemer
Aka-aso-ang ni… nür yimti nungi tenzüka ayimtenba CLEAN ELECTION.
Ya temoatsü mesüra atakatem ola.
Ano tatüm matong tashi, temeshi lima nungi ali-a arakzüa sarasademjangni…

Hai, Naga nunger! Talisa asen Aor senso tajungtem,
Temaba menden nungi alar tashi, yashi-ang Aor-i menaba temenen,
Apudaker teko tsünga tetsü tebou, tsürapur, ozü tai tokang ta ajep
Tsüngremi asen tang tai tokogo ni… ta Tsüngrem lartemi ayimoktsü
Tang chiyongtsü makaria ozü Aortem menen tokogoni… ta pelatep
OH! Saka mapang tatsüka tsüngda, lisem nung tsü shiloktsü ama kümogo.

Akhi mapang ELECTION khen shilua shisadangra,
Tanü mapang ama CLEAN ELECTION ta mayimten
Saka pei temeden vote, ochishia agütsür,
Candidate kima am nung aleper chitem ka sala-a,
Pelaseta chiyonger pei ki pushi
Tanü CLEAN ELECTION ta ayima, lenirtembo (CRORE)
Sensaker leni maor-a (LAKH) TESüNGMANGTSü

Angang!! Naga nunger! Tsüngrem tsübu-ang…
ELECTION sen Bank nung yuang ! Mozüki aotsü asoshi ayur asütsü.
Nür süngden nung yuang ! Iba sen jaki temok tennü atoka ayimtentsü
Tip matemtsü nü mulungjangi na aitsütsü. Sayatenyatsü mejenputsü ako.
Asen jala jabaso, semchi semnurtem ELECTION sen agi temesü
ELECTION sülen repranga liang. Ki arongba, kijung aluba, poknüng cancer,
Stroke Doctori meputetba tashidak, ya adangji ataloklang..lang.

————————————————————

Election

Election penpur nisung aiatai!
La pang nung shiret manguma lir.
Lai azümesena nemzür aser
Yimdong nung sensak tia den ajeruteper.
Lai ita asem chuba kidang alir,
Hau! Ita pezübuba nung alar
tia tangi meyiper.

– Tozüng Lkr