Common Wealth power Lifting Championship 2017 nung Aranyanee Gogoi-i gold medal koktetogo

Maligaon, September 20 (Agencies): Tawa South Africa nung tembangba Commonwealth Power lifting Championship nung N.F. Railway nung inyaker Arayannee Gogoi-i gold medal asem kokteta linük nem tetushi bener arutsüogo.
Power Lifting Championship 63 Kg category nung Gogoi-i seret 405 ajungketteta linük asoshi gold medal asem koktetogo. Iba sülen la parnok jenjang nung ‘over all champion’, ta sangdonga liasü.
Taoba mapang nunga lai medal aika kokteta lir. 2015 küm lai Inter Railway Championship nung silver medal angu, Senior Power Lifting Competition nung bronze, 2016 Inter Railway Power Lifting Competition nunga lai bronze medal angu. Maneni Udaipur nung Asian Power Lifting Competition asayaba nung lai silver medal angu aser ano 2017 Inter Railway Power Lifting Competition nunga Bronze medal ngutetogo.
Lai takok tajung ngutetba atema N.F. Railway tenüng nung N.F. Railway, General Manager, Chahatey Ram-i la nem tetushi agüja liasü.