Cricket asayar Karthik-i Dipika den kibong kümogo

Chennai, August  19 : August 18 nü Chennai nung India nunger cricket asayar (wicketkeeper-batsman) Dinesh Karthik o squash asayar Dipika Pallikal na kiyimba benjung aliba mapang tangokba noksa ka yangi angur. 

New Delhi, Aug. 18 (Agencies) : August 18 nü Chennai nung India nunger cricket asayar Dinesh Karthik aser squash asayar Dipika Pallikal na kibong kümogo.
Dinesh Karthik o Dipika Pallikal na ya Khristan yimsü nung kiyimba kuli agia liasü. Aji oda süaka Telugu-Naidu yimsü nung aliba ama anaben kiyimba kuliji agir asünung ano August 20 nü tanaben kiyimba sentong agitsü.
Karthik o Dipika na kiyimba sentong nungji medemertem kar den kinüngertem dang sentepa agia liasü.
Dipika aser Dinesh na 2013 küm November ita aniasüngtepa liasü.
Dinesh yabo tan agi tanabuba tetsür agir asütsü, taoba mapang nung pai Nikita den kibong kümer tatsüka dang lirbo melitet tena bala aser tawa tu Nikita-i tanaben India nung cricket asayarsa Murali Vijay den kibong kümogo.