CTC nung National Seminar ka ayongzüka agir

Miqlat Ministry, NBCC Director Ms. Asha Sanchu aser CTC Principal Rev. Dr. Marnungsang na noksa nung angur.
Miqlat Ministry, NBCC Director Ms. Asha Sanchu aser CTC Principal Rev. Dr. Marnungsang na noksa nung angur.

Dimapur, November 17 (TYO): Clark Centre for Peace Research and Action (CCPRA), Clark Theological College-i ayongzüka anogo asemnü National Seminar ka agidar.
Iba shisatokden ya “Human Trafficking: The Dehumanizing Reality” omen nung ajemdaker Clark Theological College Jongshinokdang Hall nung yashi nungi tenzükogo.
CTC principal Rev. Dr. Marnungsang-i shisalen sayurtem pela agizüka jembidang, ozüng alema nisung shibelenba inyakyim ya khuret ulura lir aser iba inyakyim samatsütsü atema sorkar, ozüng amertem, mulungtet teloktem, arogo lennirtem, media aser laishirtemi kanga junga shisadanga mapa inyaktsüla, ta ashi.
Iba tangatetba nung National Seminar ya ayongzüker aser India kübok North East tesem nung nisung shibelenba mapa kanga bulua inyaker. Anungji, iba inyakyim anema asenoki akokba tashi mapa inyaktsü nüngdaker, ta paisa shisem.
Sentong nung Miqlat Ministry NBCCWD Director, Ms. Asha Sanchu-i “Human Trafficking: A Biblical Reflection on Joseph’s Story” omen nung ajemdaker okila jembi.
Yashi technical session nung paper asem lemsatep aser itemji Ms. Rossana Lyngdoh, Board Director, Impulse NGO Network, Shillong-i “Trafficking in Persons: a Global Issue”, Asha Sanchu, Director, Miqlat Ministry, NBCC-i “Women as Victims of Trafficking” aser Dr. I. J. Mohan Razhu, Professor of Social Ethics, Consultant & Research Fellow, Acts Academy of Higher Education, Bangalore-i “De-coding Human Trafficking in a Post-de-Globalizing World: Through the Prism of Christian Social Ethics” onüktem liasü.
Iba shisatokden sentong ya November 18, 2017 tashi agitsü aser linük kübok tesem balala nungi scholars, social activist aser legal expert temi paper 12 tashi lemsateptsü.
Iba National Seminar tembangba sülen Clark Communication and Cultural Research Center (CCCRC) aser Clark Centre for Peace Research Centre and Action (CCPRA) yaritepa November 23-25, 2017 tashi “Creative Use of the Media: Path to Peace” omen nung ajemdaker Regional Seminar and Consultation ayongzüka agitsü.
Anogo asemnü Regional Seminar nung North East India nungi media professionals aser peace activists-i paper 14 lemsateptsü.

You must be logged in to post a comment Login