DABA, Youth Ministry-i ‘No To Tobacco’ video sayaogo

Dimapur, July 09 (TYO): Dimapur Ao Baptist Arogo (DABA), Youth Ministry-i “no to tobacco” ta ser video tatsü ka sayaogo, ta tanü osang ka ajanga metetdaktsü.
Video tatsü ka nungji, cancer tashitak nungi jenbur Wb. Chuba-i pa dak iba tashitak adokba indang otsü tarensena lemsateper.
Pa dak chichiba atalokba atangji otsü nungji ajemdaker moko aketba chiyungtsütem achiba ajanga nisung ka koma temang raksatsür, iba osangji youth ministry-i sangdongtsü tenzükogo.
Iba video tatsü kaji tanü puto media ajanga lemsateptsü aser iba otsü ajanga nisung aika taküm kümzüktsü asoshi tamang nung bendanga sarasademer, ta DABA Youth ministry-i shiogo.
Iba video asoshi WhatsApp aser email amshi tenzükogo iba den külemi iba video amshitsü jangrar ajak den lemsateptsü melunga lir, ta parnokisa metetdaktsüogo.