Danny Willett-i European Masters takokba nguogo

Crans Montana, July 26 (Agencies): Britain nunger Danny Willett-i points 17-under 263 ngua külem sensopur, Matthew Fitzpatrick den temaba jenjang ngua European Masters golf takok marok tanü Deobar nü agizükogo.
Tanü takok anguba sülen, Willett-i takok marok den külemi, senpet sen million 2.7 tashi agizüka liasü.
2009 nungi tenzüka tanü tashi nung Asian Tour aser European Tour nati ketdangsüa asayaba golf asayamong kija, European Masters asayamong final nung Willett-i points 64 ngua mezüngbuba jenjang angu aser pa sülen anidaka, Fitzpatrick-i points 66 ngua tanabuba jenjang ajangzük.
Willet aser Fitzpatrick na sülen anidaka, Britain nungersa, Tyrrell Hatton-i points eight-under 62 ngua tasembuba jenjang angu.
“Takok marok agizüktsü maongka anguba atema kanga pelar. Points 64 ngua tanü takok anguba atema kanga pelar kechiyong ni yaküma points 64-sa ngua takok marok agizüka liasü,” ta taoba mapang nung Asian Tour takok marok 7 tashi agizüka alisang, Willett-i metetdaktsü.