Davis Cup: Italy-i Japan madak takok angu

Tokyo, Tsüklai 3 (Agencies): Küptoknü (Saturday) Davis Cup World Group tebur tarep asaya nung Italy nunger Simone Bolelli aser Fabio-i Japan madak takok ngutetogo.
Morioka Takaya Arena nung Italy nunger tebur tarep-i Japan nunger tarep asayar Yasutaka Uchiyama aser Ben McLachlan madak 7-5, 6-7 (4-7), 7-6 (7-3), 7-5 agi takok ngutetogo.
Japan nunger tebur tarep-i tanabuba set tie-break ajanga koktet liasü, saka 2015 Australian Open tarep asaya nung takok ngur alisang ana, Bolelli aser Fabio Fognini-i takok angutsü melungteta tasembuba set asaya tie-break nung koktet.
Iba takok ajanga 2-1 agi Italy tejakdang lir aser tatembangbuba asaya nung shirnoki akoktsüar telemtetba agitsü.
Maneni, Amungnü world no 22 Fogoni-i aser Japan nunger asayar world no 41 Yuichi Sugita na asayatsü.

You must be logged in to post a comment Login