DCSAFF nung Adil Hussain-i Best Actor senpet angu

Mumbai, September 13 (Agencies) : Washington DC South Asian Film Festival (DCSAFF) nung Adil Hussain-i Best Actor senpet nguogo.
“Mukti Bhavan” film ajanga iba senpet agüsang, Adil-i pa pelaba osang Twitter ajanga Mongulbarnü lemsatepa liasü.
“Iba osang angashia kanga pelar! Küm nem iba award agütsüba asoshi DCSAFF dang kanga pelar,” ta Adil-i tweet asü.
Ba film benjong ya küm shia akaba benjong ka lir aser yangi India, Pakistan, Afghanistan, Bangladesh, Nepal aser Sri Lanka nungi ‘Best alternative cinema’ tem sayuteper.
“Mukti Bhawan” film ya Shubhashish Bhutiani-i direct asü aser film nung Lalit Behl-ia tongti shilem agia lir.
Iba film ajanga Daya indang otsü ashir, shiba ‘Ghats of Varanasi’ nung tekümtet agutsü imlar aser ibaji asoshi pai pa jabaso Rajiv pa den anir aoer. Anogo aika süia aoba sülen Daya-i amitsür ka den temba yimtet aser Rajiv kolenianga mashi aküm.

You must be logged in to post a comment Login