Dec 12 nü Ex-Servicemen rally akatsü

Dimapur, December 07 (TYO): HQ3 corps-i ayongzüka December 12, 2017 nü Dimapur District nung Ex-servicemen/Widows atema rally ka ayonga akatsü.
Rally tesemji Walford area nung Mahindra Apex Motor Showroom, Dimapur anasa aliba . 71 Engineer Regiment telung nung akatsü.
Dimapur nung ESM/Widows ajak iba sentong nung adentsü jaoker iba den külemi Zila Sainik Welfare Office/ (Sainik Bhawan), Dimapur nung tenüng zülüoktsü mepishir, iba den külemi iba anogo anepdang 9:00 ako tashi nungbo pei Identity Cards bener tesem atongtsü metetdaktsür, ta osang ka ajanga metetdaktsü.