Dec 14 & 15 nung Assembly session agitsü

Kohima, December 6 (TYO): Nagaland Legislative Assembly (NLA) indang winter session December 14 aser 15 anogotem alitsü.
NLA Speaker Imtiwapang Aier menden ser Business Advisory Committee ajanga winter session atema provisional programme renemogo ta NLA Commissioner & Secretary, N Benjamin Newmai-i tanü sangdong ka nung metetdaktsü.
Business Advisory Committee-i tanü senden amendang tasürtem bilemtetba, select committee report benoktsüba, reports agütsütsü, papers & rules benoktsü lemtet ta Assembly Secretariat-isa metetdaktsü.
Winter session nung government bills lira benoktsü aser iba denji Assembly Committee report tem metetdaktsütsü, ta sangdong nungsa shia lir.
12 buba State Assembly atema iba session ya 19 buba aser tatembangba asütsü kechiyong sangküm küm tetenzüklen assembly elections agitsü sentong lir.
Civil society tem dena telok aikati Nagaland Lokayukta Bill benoka agizüktsü akhangba atema taoba ita State Chief Minister T R Zeliang-i taruba assembly session nung iba bill benoktsü nangzükogo.