Dec. 19 nungi Chetheba Open Basketball asayamung akatsü

Dimapur, December 06 (TYO): Colours Graphic Kohima den longjemer Team Huskers ajanga mezüngbuba Winter Open Basketball Challenge 2017 asayamung December 19-20 tashi Phek district kübok Chetheba local ground nung ‘One dream, one spirit, one team’ omen nung ajemdaker ayonga amungtsü.
Chokri Area nung Chetheba jila ya tiyong asüngnung, lanurtem rongnung iba asaya temaba jenjangi ajungkettsü mechi aser iba tesem nung basketball ya kanga sapuba ajanga ayonger, ta press secretary Akhozo Rhakho-i sangdong ka ajanga ashi.
Iba asaya nung shilem agitsü asoshi entry fee sen 2000 alitsü aser asaya nung temaba jenjang angur nem senpet sen 20,000 den kulikaket agütsütsü, ta organizing committee ajanga ashi. Kasa asayamung nung tanabuba jenjang angur nem senpet sen 10,000 agütsütsü.
Iba asayamung nung shilem agitsü jangrar telok aser club temi mobile number 7005160959 mesüra 8014804878 ajanga tongteprateptsü metetdaktsü.