New Delhi, August 06 (Agencies): AAP tongti lenir aser Delhi Chief Minister Arvind Kejriwal atema osang tamajung kaji, New Delhi Municipal Council (NDMC) nung inyaker ka dak azükba atema AAP MLA Surinder Singh anema keno ka benokogo.
Yasüng Tughlaq Road nung NDMC ketdangsertemi e-rickshaw anir ka sota kuli katettem reprangba mapang ibaji ataloka liasü.
Police-i ashiba agi Delhi Cantonment area nungi MLA Singh-i NDMC nung inyaker Mukesh dak tejak nung tsüngoktsüba sülen o tamajung ashi, aser iba dak sentakba nung tanü pa anema ken o ka benokogo.
MLA Singh anema Scheduled Castes & Scheduled Tribes (Prevention of Atrocities) Act aser Indian Penal Code kübok ken o benok.
Delhi nung AAP MLA Surinder Singh anema ken o ka benok added by asungba on
View all posts by asungba →
You must be logged in to post a comment Login