Delhi police-i AAP MLA Alka Lamba anema FIR ka benok

New Delhi, August 10 (Agencies): Deobar anepdang Rajghat nung Chandi Chowk nungi Aam Aadmi Party (AAP) MLA Alka Lamba-i anir temesepba mozü anema sentong ka agiba mapang mejangjatetba nisung kari la yiruja liasü, aser iba tatalokba dak sentakba nung dokan kibur kati ken o benokba sülen Hombar nü Delhi Police-i Lamba anema FIR ka benokogo.

Nanglong dokan ka nungi mejangjatetba nisung kari lung agi aon, ta Lamba-i tai tonglokja liasü. CCTV noksa nung la telok ka den dokanlenji süia ao aser sen agizükba machine tsük.

Dokan nung aliba CCTV noksaji police nem agütsüogo, aser noksa nungji Lamba den tebur ana dokan telung jagi atuba sülen sen machine ji mereptoktsü, aser dokan manager den rara menar.

Iba sülen la pusemer kati dokan counter nung aliba danga osettem mereptoktsür.

Iba dak sentakba nung asüngdangyatsü atema police-i AAP MLA Lamba jaoktsüa akok.

Yashi iba tatalokba sülen AAP otongdar Ashutoch-i, “Alka yirutsüsangji nanglong dokan ka nung lia puogo, yangji alirtemi ashiba agi iba dokan kiburji Vishwas Nagar nungi BJP MLA Om Prakash Sharma lir. Iba ya odang tia ajanga asü mesüra sentong tamajung atongba’ar ibaji onoki bushisüngdangdaktsüner. Nisungba apuba jagi teperi masü,” ta jembia liasü.

You must be logged in to post a comment Login